Transmeton Ebu Hurejra se i Dërguari i Allahut (s.a.v.s.) ka thënë: "Kush merr gusël ditën e xhuma, ashtu siç merret gusli pas xhenabetit, e pastaj shkon (në xhami), është sikur të ketë kurbanosur një deve. Ai që shkon në orën e dytë, është sikur të ketë kurbanosur një lopë. Ai që shkon në orën e tretë, është sikur të ketë kurbanosur një dash me brirë. Ai që shkon në orën e katërt, është sikur të ketë kurbanosur një pulë. Ai që shkon në orën e pestë, është sikur të ketë dhuruar një vezë. Kur të dalë imami, engjëjt prezantojnë për të dëgjuar hytben."