Transmeton Aishja: Kur ndodhi eklipsi i diellit në kohën e të Dërguarit të Allahut (s.a.v.s.), ai mori abdest dhe urdhëroi që të thirrej: "Es-salatu xhamia". Ai u ngrit dhe qëndroi gjatë në këmbë në namazin e tij. Aishja tha: "Mendova se lexoi suren El-Bekare". Pastaj ra në ruku dhe e zgjati atë, pastaj tha: "Semi'Allahu limen hamideh". Pastaj qëndroi përsëri në këmbë ashtu siç kishte qëndruar dhe nuk ra në sexhde, pastaj ra përsëri në ruku e më pas në sexhde. Më pas u ngrit dhe veproi njësoj, duke bërë dy ruku dhe një sexhde. Pastaj u ul dhe eklipsi i diellit kishte kaluar.