Transmeton Thalebe bin Zehdemi: Ishim me Said bin El-Asin në Tabaristan dhe Hudhejfe bin El-Jemani ishte me ne. Ai tha: "Cili prej jush ka falur namazin e frikës me të Dërguarin e Allahut (s.a.v.s.)?" Hudhejfeja tha: "Unë", dhe e përshkroi atë duke thënë: "I Dërguari i Allahut (s.a.v.s.) fali namazin e frikës me njërin grup në një rekat, të cilët ishin rreshtuar pas tij, ndërsa grupi tjetër ishte mes tij dhe armikut. Ai fali me grupin që kishte pranë një rekat, pastaj ata u tërhoqën në pozicionet e të tjerëve dhe erdhën të tjerët, e ai fali me ta një rekat."