Transmeton Abdullah ibn Umari: Ai e ka falur namazin e frikës me të Dërguarin e Allahut (s.a.v.s.). Ai tha: Pejgamberi (s.a.v.s.) mori tekbirin dhe një grup prej nesh u rreshtua pas tij, ndërsa grupi tjetër u përball me armikun. Pejgamberi (s.a.v.s.) u priu atyre në një ruku dhe dy sexhde, pastaj ata u larguan dhe u kthyen përballë armikut, ndërsa erdhi grupi tjetër dhe u fal me Pejgamberin (s.a.v.s.), duke vepruar njëjtë. Pastaj ai dha selam, e më pas çdo njeri nga të dy grupet u ngrit dhe u fal vetë, duke kryer nga një ruku dhe dy sexhde.