Transmeton Xhabiri: Ne morëm pjesë në namazin e frikës së bashku me të Dërguarin e Allahut (s.a.v.s.). U rreshtuam pas tij në dy rreshta (safa), ndërsa armiku ishte mes nesh dhe Kiblës. I Dërguari i Allahut (s.a.v.s.) mori tekbirin, e morëm edhe ne. Ai ra në ruku, ramë edhe ne. Pastaj ai u ngrit dhe u ngritëm edhe ne. Kur ai u lëshua për të rënë në sexhde, ra në sexhde i Dërguari i Allahut (s.a.v.s.) bashkë me ata që ishin në rreshtin e parë pas tij, ndërsa rreshti i dytë qëndroi në këmbë. Pasi i Dërguari i Allahut (s.a.v.s.) dhe rreshti i parë u ngritën, atëherë ra në sexhde rreshti i dytë në vendet e tyre. Pastaj rreshti që ishte pas Pejgamberit (s.a.v.s.) u tërhoq prapa, ndërsa rreshti tjetër doli përpara, kështu që secili grup zuri vendin e tjetrit. Pejgamberi (s.a.v.s.) ra në ruku dhe ne ramë në ruku, pastaj ai u ngrit dhe ne u ngritëm. Kur ai u lëshua për sexhde, ranë në sexhde ata që ishin menjëherë pas tij, ndërsa të tjerët qëndruan në këmbë. Kur i Dërguari i Allahut (s.a.v.s.) dhe ata që ishin pas tij u ngritën, ranë në sexhde të tjerët, e pastaj ai dha selam.