Transmeton Xhabir bin Abdullahu: Në hytben e tij, i Dërguari i Allahut (s.a.v.s.) e lavdëronte Allahun ashtu siç Ai e meriton të lavdërohet, e pastaj thoshte: "Këdo që Allahu e udhëzon, nuk ka kush e shpie në humbje, dhe këdo që Ai e lë në humbje, nuk ka kush e udhëzon. Fjala më e vërtetë është Libri i Allahut dhe udhëzimi më i mirë është udhëzimi i Muhamedit (s.a.v.s.). Punët më të këqija janë ato të shpikurat; çdo gjë e shpikur është bidat, çdo bidat është humbje dhe çdo humbje është në Zjarr." Pastaj thoshte: "Unë dhe Ora (Kiameti) jemi dërguar si këta dy." Kur e përmendte Orën, i skuqeshin faqet, i ngrihej zëri dhe i shtohej zemërimi, sikur të ishte paralajmërues i një ushtrie duke thënë: "Ushtria po ju sulmon në mëngjes ose në mbrëmje!" Pastaj thoshte: "Kush lë pasuri, ajo i takon familjes së tij, ndërsa kush lë borxh apo njerëz pa përkujdesje, ata vijnë tek unë dhe janë në përgjegjësinë time, sepse unë jam më i afërti për besimtarët."