Transmeton Aishja: Kur erdhi lajmi i vdekjes së Zejd bin Harithes, Xhafer bin Ebi Talibit dhe Abdullah bin Rauahas, i Dërguari i Allahut (s.a.v.s.) u ul dhe te ai vërehej pikëllimi. Unë po e shikoja përmes një të çare të derës, kur erdhi një burrë dhe tha: "Gratë e Xhaferit po qajnë." I Dërguari i Allahut (s.a.v.s.) tha: "Shko dhe ndaloji ato." Ai shkoi, pastaj u kthye dhe tha: "I ndalova, por ato refuzuan të pushojnë." Ai (s.a.v.s.) tha përsëri: "Shko dhe ndaloji ato." Ai shkoi dhe u kthye përsëri e tha: "I ndalova, por ato refuzuan të pushojnë." Atëherë ai (s.a.v.s.) tha: "Shko dhe hidhu pluhur në gojët e tyre." Aishja tha: "I thashë: 'Allahu ta përulët hundën! Pasha Allahun, ti as nuk e le rehat të Dërguarin e Allahut (s.a.v.s.) dhe as nuk do ta bësh atë që të tha.'"