Transmeton Ebu el-Esuad ed-Dili: Shkova në Medine dhe u ula me Omer bin el-Hatabin. Pranë nesh kaloi një xhenaze dhe njerëzit folën fjalë të mira për të vdekurin, atëherë Omeri tha: "U bë obligim." Pastaj kaloi një tjetër dhe njerëzit përsëri folën fjalë të mira për të vdekurin, dhe Omeri tha: "U bë obligim." Pastaj kaloi një i tretë dhe për të folën fjalë të këqija, e Omeri tha: "U bë obligim." Unë e pyeta: "Çfarë u bë obligim, o Prijës i Besimtarëve?" Ai u përgjigj: "Thashë ashtu siç ka thënë i Dërguari i Allahut (s.a.v.s.): 'Për çdo musliman për të cilin dëshmojnë katër njerëz për të mira, Allahu do ta fusë në Xhenet.' Ne e pyetëm: 'Po nëse janë tre?' Ai tha: 'Edhe tre.' Pyetëm: 'Po nëse janë dy?' Ai tha: 'Edhe dy.'"