Transmeton Enesi: Ishim me Omerin rrugës mes Mekës dhe Medinës, kur ai filloi të na tregonte për njerëzit e Bedrit. Ai tha: I Dërguari i Allahut (s.a.v.s.) na tregoi një ditë më parë vendet ku ata do të vriteshin, duke thënë: "Ky është vendi ku do të vritet filani nesër, në dashtë Allahu". Omeri tha: "Pasha Atë që e dërgoi me të vërtetën! Ata nuk u larguan aspak nga ato vende". Ata u hodhën në një pus dhe Pejgamberi (s.a.v.s.) u afrua te ata e i thirri: "O filan, i biri i filanit! O filan, i biri i filanit! A e gjetët të vërtetë atë që ju premtoi Zoti juaj? Vërtet, unë e gjeta të vërtetë atë që Allahu më premtoi mua". Omeri i tha: "A po u flet trupave që nuk kanë shpirt?" Ai u përgjigj: "Ju nuk e dëgjoni atë që po them më mirë se ata".