Transmeton Enesi: Neve na ishte ndaluar në Kuran që ta pyesnim Pejgamberin (s.a.v.s.) për diçka, prandaj na pëlqente kur vinte ndonjë njeri i mençur nga shkretëtira dhe e pyeste atë. Erdhi një burrë nga njerëzit e shkretëtirës dhe tha: "O Muhamed, na erdhi i dërguari yt dhe na njoftoi se ti pretendon se Allahu, i Madhërishëm dhe i Lartësuar, të ka dërguar." Ai tha: "Ka thënë të vërtetën." Burri pyeti: "Kush i krijoi qiejt?" Ai tha: "Allahu." Pyeti: "Kush e krijoi Tokën?" Ai tha: "Allahu." Pyeti: "Kush i vendosi malet në të?" Ai tha: "Allahu." Pyeti: "Kush i krijoi dobitë në to?" Ai tha: "Allahu." Burri tha: "Për Atë që krijoi qiejt dhe Tokën, që vendosi malet në të dhe krijoi dobitë në to, a vërtet Allahu të ka dërguar?" Ai tha: "Po." Burri tha: "I dërguari yt tha se ne kemi obligim pesë namaze gjatë ditës dhe natës." Ai tha: "Ka thënë të vërtetën." Burri pyeti: "Për Atë që të ka dërguar, a të ka urdhëruar Allahu për këtë?" Ai tha: "Po." Burri tha: "I dërguari yt tha se ne duhet të japim zekatin e pasurisë sonë." Ai tha: "Ka thënë të vërtetën." Burri pyeti: "Për Atë që të ka dërguar, a të ka urdhëruar Allahu për këtë?" Ai tha: "Po." Burri tha: "I dërguari yt tha se ne duhet të agjërojmë muajin e Ramazanit çdo vit." Ai tha: "Ka thënë të vërtetën." Burri pyeti: "Për Atë që të ka dërguar, a të ka urdhëruar Allahu për këtë?" Ai tha: "Po." Burri tha: "I dërguari yt tha se ne duhet ta kryejmë haxhin, kushdo që ka mundësi." Ai tha: "Ka thënë të vërtetën." Burri pyeti: "Për Atë që të ka dërguar, a të ka urdhëruar Allahu për këtë?" Ai tha: "Po." Atëherë burri tha: "Për Atë që të ka dërguar me të vërtetën, nuk do të shtoj asgjë mbi to e as nuk do të pakësoj asgjë." Kur ai u largua, Pejgamberi (s.a.v.s.) tha: "Nëse është i sinqertë, ai me siguri do të hyjë në xhenet."