Transmeton Abdullahu: I Dërguari i Allahut (s.a.v.s.) hyri në dhomën time dhe tha: "Më kanë treguar se ti falesh gjatë gjithë natës dhe agjëron gjatë gjithë ditës." Unë thashë: "Po." Ai tha: "Mos e bëj këtë. Fli dhe falu; agjëro dhe ha. Sepse sytë e tu kanë të drejtë mbi ty, trupi yt ka të drejtë mbi ty, bashkëshortja jote ka të drejtë mbi ty, mysafiri yt ka të drejtë mbi ty dhe miku yt ka të drejtë mbi ty. Shpresoj se do të jetosh gjatë dhe do të mjaftojë të agjërosh tri ditë në çdo muaj. Ky llogaritet si Agjërimi i tërë jetës, sepse një vepër e mirë shpërblehet dhjetëfish." Unë thashë: "Unë ndiej fuqi për më shumë." U tregova i rreptë me veten, andaj edhe m'u bë e rreptë. Ai tha: "Agjëro tri ditë në çdo javë." Thashë: "Unë mundem edhe më shumë se aq." U tregova i rreptë, andaj edhe m'u bë e rreptë. Ai tha: "Agjëro si agjërimi i Pejgamberit të Allahut, Davudit (a.s.)." Thashë: "Si ishte agjërimi i Davudit?" Ai tha: "Gjysma e jetës (një ditë po, një ditë jo)." Ibn Umari përcjell se Pejgamberi (s.a.v.s.) ka thënë: "Kush agjëron çdo ditë të jetës së tij, ai nuk ka agjëruar."