Transmeton Abdullah bin Amri: I Dërguari i Allahut (s.a.v.s.) tha: "Më ka arritur lajmi se ti falësh tërë natën dhe agjëron tërë ditën." I thashë: "O i Dërguari i Allahut, me këtë nuk kam synuar asgjë tjetër përveç të mirës." Ai tha: "Nuk ka agjëruar ai që agjëron përgjithmonë. Mirëpo, unë po të tregoj për agjërimin e tërë kohës: agjërimi i tri ditëve në muaj." Thashë: "O i Dërguari i Allahut, unë mundem edhe më shumë se aq." Ai tha: "Agjëro pesë ditë." Thashë: "Unë mundem edhe më shumë se aq." Ai tha: "Atëherë agjëro dhjetë ditë." Unë thashë: "Unë mundem edhe më shumë se aq." Ai tha: "Agjëro agjërimin e Davudit (a.s.); ai agjëronte një ditë dhe nuk agjëronte ditën tjetër."