Transmeton gjyshi i Bahz bin Hakimit: I thashë: "O Pejgamber i Allahut, nuk erdha te ti derisa u betova më shumë se kaq herë – duke numëruar me gishtat e duarve – se nuk do të vija te ti dhe as nuk do ta pasoja fenë tënde. Unë jam një njeri që nuk di asgjë, përveç asaj që më ka mësuar Allahu i Madhërishëm dhe i Dërguari i Tij. Të kërkoj në emër të shpalljes së Allahut, me çfarë të ka dërguar Zoti yt te ne?" Ai (s.a.v.s.) tha: "Me Islamin." I thashë: "Cilat janë shenjat e Islamit?" Ai (s.a.v.s.) tha: "Të thuash: 'I jam dorëzuar Allahut me tërë qenien time dhe jam larguar nga shirku', të falësh Namazin dhe të japësh Zeqatin."