Transmeton Ebu Dherri: Shkova te Pejgamberi (s.a.v.s.) kur ai ishte ulur në hijen e Qabes. Kur më pa duke ardhur, ai tha: "Ata janë të humburit, pasha Zotin e Qabes!" Unë thashë: "Çfarë po ndodh? Ndoshta është shpallur diçka për mua." Pyeta: "Kush janë ata, u flijofshin babai dhe nëna ime për ty?" Ai tha: "Ata që kanë shumë pasuri, përveç atij që vepron kështu, kështu dhe kështu", duke treguar para vetes, në të djathtë dhe në të majtë të tij. Pastaj ai tha: "Pasha Atë në dorën e të Cilit është shpirti im, nuk vdes asnjë njeri që lë pas deve, lopë ose dhen, për të cilat nuk ka dhënë Zekatin, e që ato të mos vijnë në Ditën e Kiametit më të mëdha dhe më të majme se që ishin, duke e shkelur me thundrat e tyre dhe duke e goditur me brirët e tyre. Sa herë që të kalojë e fundit prej tyre, kthehet e para, derisa të përfundojë gjykimi mes njerëzve."