Transmeton Abdullahu: I Dërguari i Allahut (s.a.v.s.) ka thënë: "Nuk ka njeri që posedon pasuri dhe nuk e jep hakun e saj (Zekatin), e që kjo pasuri të mos i shndërrohet në një gjarpër të madh helmues që do t'i rrethojë qafën e tij; ai do të përpiqet të ikë, ndërsa ai do ta ndjekë." Pastaj lexoi vërtetimin e kësaj nga Libri i Allahut të Madhëruar: "Dhe asesi të mos mendojnë ata, të cilët bëhen koprracë me atë që Allahu u ka dhënë nga mirësitë e Tij, se kjo është më mirë për ta. Jo, ajo është më keq për ta. Ajo me çka u treguan koprracë, do t'u varet në qafë si qafore në Ditën e Kiametit."