Transmeton Vail bin Huxhri: Pejgamberi (s.a.v.s.) dërgoi një mbledhës të zekatit, i cili shkoi te një njeri që i dha atij një deve të vogël dhe të dobët. Pejgamberi (s.a.v.s.) tha: "Ne dërguam mbledhësin e zekatit të Allahut dhe të të Dërguarit të Tij, ndërsa filani i dha atij një deve të vogël e të dobët. O Allah, mos e beko atë dhe as devetë e tij!" Kur kjo i arriti atij njeriu, ai erdhi me një deve të bukur dhe tha: "I pendohem Allahut dhe Pejgamberit të Tij." Atëherë Pejgamberi (s.a.v.s.) tha: "O Allah, bekoje atë dhe devetë e tij!"