Transmetohet nga Amër bin Shuajbi, nga babai i tij, nga gjyshi i tij: Hilali erdhi te i Dërguari i Allahut (s.a.v.s.) me të dhjetën e mjaltit të tij dhe i kërkoi që ta mbrojë për të një luginë që quhej Selebeh. I Dërguari i Allahut (s.a.v.s.) e mori në mbrojtje atë luginë për të. Kur Omer bin el-Hatabi u bë halife, Sufjan bin Vehbi i shkroi Omerit duke e pyetur për këtë, ndërsa Omeri i shkroi: "Nëse ai të jep atë që i jepte të Dërguarit të Allahut (s.a.v.s.), të dhjetën e mjaltit të tij, atëherë mbroje Selebehun për të, përndryshe ato janë vetëm bletë dhe kushdo që dëshiron mund të hajë prej tyre."