Transmeton Ibn Abbasi se i Dërguari i Allahut (s.a.v.s.) ka thënë: "A t'ju tregoj për njeriun me pozitën më të mirë?" Ne thamë: "Po, o i Dërguari i Allahut!" Ai tha: "Një burrë që mban frerin e kalit të tij në rrugën e Allahut të Plotfuqishëm dhe të Madhërishëm, derisa të vdesë ose të vritet. A t'ju tregoj për atë që vjen pas tij?" Ne thamë: "Po, o i Dërguari i Allahut!" Ai tha: "Një burrë që veçohet në një luginë mali, fal Namazin, jep Zekatin dhe u shmanget të këqijave të njerëzve. A t'ju tregoj për njeriun me pozitën më të keqe?" Ne thamë: "Po, o i Dërguari i Allahut!" Ai tha: "Ai prej të cilit kërkohet diçka në emër të Allahut të Plotfuqishëm dhe të Madhërishëm, por ai nuk jep në emër të Tij."