Transmeton Ebu Dherri se Pejgamberi (s.a.v.s.) ka thënë: "Janë tre veta që Allahu i Madhëruar i do, dhe tre veta që Allahu i Madhëruar i urren. Sa u përket atyre që Allahu i Madhëruar i do, ata janë: Një burrë që i vjen një grupi njerëzish dhe u kërkon diçka për hir të Allahut të Madhëruar, dhe jo për shkak të ndonjë lidhjeje farefisnore mes tyre, por ata nuk i japin; atëherë një burrë mbetet pas tyre dhe i jep atij fshehurazi, ku askush nuk di për dhënien e tij përveç Allahut të Madhëruar dhe atij që i është dhënë. Pastaj, njerëz që udhëtojnë gjatë natës derisa gjumi bëhet më i dashur për ta se çdo gjë tjetër, kështu që ndalojnë dhe ulin kokat për të fjetur, kurse njëri prej tyre ngrihet dhe më lutet Mua, më përulet dhe lexon ajetet e Mia. Dhe një burrë që ishte në një njësi ushtarake, u përballën me armikun dhe u thyen, por ai doli përpara derisa u vra ose Allahu i Madhëruar i dha fitore. Ndërsa tre njerëzit që Allahu i Madhëruar i urren janë: plaku imoral (që bën zina), i varfëri mendjemadh dhe i pasuri i padrejtë."