Transmeton Sa'di: Ai u sëmur në Mekë dhe i Dërguari i Allahut (s.a.v.s.) erdhi ta vizitonte. Kur Sa'di e pa atë, qau dhe tha: "O i Dërguari i Allahut, a do të vdes në tokën prej së cilës kam emigruar?" Ai tha: "Jo, në dashtë Allahu." Ai tha: "O i Dërguari i Allahut, a ta lë me testament të gjithë pasurinë time në rrugën e Allahut?" Ai tha: "Jo." Tha: "Po dy të tretat?" Ai tha: "Jo." Tha: "Po gjysmën?" Ai tha: "Jo." Tha: "Po një të tretën?" I Dërguari i Allahut (s.a.v.s.) tha: "Një të tretën, e edhe një e treta është shumë. T'i lësh fëmijët e tu të pasur është më mirë sesa t'i lësh ata të varfër, duke u shtrirë dorën njerëzve."