Transmeton Xhabiri: Abdullah bin Amr bin Harami vdiq dhe la pas borxhe. Unë kërkova nga i Dërguari i Allahut (s.a.v.s.) që të ndërmjetësonte te kreditorët e tij, në mënyrë që ata t'i falnin një pjesë të borxhit. Ai kërkoi prej tyre që ta bënin këtë, por ata refuzuan. Pejgamberi (s.a.v.s.) më tha: "Shko dhe ndaji hurmat e tua sipas llojeve: 'Axhuen' veçmas, 'Adhk ibn Zejd' veçmas e kështu me radhë, dhe pastaj më dërgo lajm." Unë e bëra këtë, pastaj erdhi i Dërguari i Allahut (s.a.v.s.) dhe u ul sipër tyre ose në mes të grumbujve. Pastaj ai tha: "Matuau njerëzve." Kështu unë ua mata atyre derisa ua shleva të gjithë borxhin, ndërsa hurmat e mia mbetën sikur të mos ishte pakësuar asgjë prej tyre.