Transmeton Jezid bin esh-Shikhkhiri: Ndërsa isha me Mutarrifin në El-Mirbed, erdhi një burrë duke mbajtur një copë lëkure dhe tha: "Këtë ma ka shkruar i Dërguari i Allahut. A ka ndonjë prej jush që di të lexojë?" Unë thashë: "Unë lexoj." Ajo ishte një letër nga Muhamedi, Pejgamberi (s.a.v.s.), për fisin Benu Zuhejr bin Ukejsh, të cilët dëshmuan se nuk ka zot tjetër përveç Allahut dhe se Muhamedi është i Dërguari i Allahut, u ndanë nga idhujtarët dhe pranuan të jepnin të pestën (humusin) nga plaçka e tyre e luftës, pjesën e Pejgamberit (s.a.v.s.) dhe atë që ai zgjidhte për vete; kështu ata u bënë të sigurt nën mbrojtjen e Allahut dhe të Dërguarit të Tij.