Transmeton Ubade bin es-Samiti: I Dërguari i Allahut (s.a.v.s.) tha, derisa rreth tij ishte një grup prej shokëve të tij: "Më jepni besën se nuk do t'i shoqëroni asgjë Allahut, nuk do të vidhni, nuk do të bëni zina (marrëdhënie të paligjshme seksuale), nuk do t'i vritni fëmijët tuaj, nuk do të shpifni duke trilluar gënjeshtra mes duarve dhe këmbëve tuaja dhe nuk do të më kundërshtoni në atë që është e mirë. Kushdo prej jush që e përmbush këtë, shpërblimi i tij është tek Allahu; ndërsa kushdo që kryen ndonjë prej këtyre veprave dhe ndëshkohet për të në këtë botë, ky ndëshkim do të jetë shlyerje për të. E kushdo që kryen ndonjë prej tyre, pastaj Allahu ia mbulon atë, çështja e tij mbetet tek Allahu; nëse Ai dëshiron e fal, e nëse dëshiron e ndëshkon."