Transmeton Ubade bin es-Samit: I dhashë besën të Dërguarit të Allahut (s.a.v.s.) midis një grupi njerëzish, e ai tha: "Më jepni besën se nuk do t'i shoqëroni Allahut asgjë, nuk do të vjedhni, nuk do të bëni zina, nuk do t'i vritni fëmijët tuaj, nuk do të shpifni duke trilluar gënjeshtra mes duarve dhe këmbëve tuaja dhe nuk do të më kundërshtoni në veprat e mira. Kushdo prej jush që e përmbush këtë, shpërblimi i tij është tek Allahu; ndërsa kushdo që kryen ndonjë prej këtyre veprave dhe ndëshkohet për të, ky ndëshkim do të jetë pastrim për të. E kushdo që kryen diçka prej tyre dhe Allahu ia mbulon, çështja e tij i mbetet Allahut; nëse Ai dëshiron e fal, e nëse dëshiron e ndëshkon."