Transmeton Aliu: I Dërguari i Allahut (s.a.v.s.) dërgoi një ushtri dhe caktoi një burrë në krye të tyre. Ai ndezi një zjarr dhe u tha: "Hyni në të!" Disa njerëz deshën të hynin në të, ndërsa të tjerët thanë: "Ne kemi ikur prej tij (zjarrit)." Ata ia përmendën këtë të Dërguarit të Allahut (s.a.v.s.) dhe ai u tha atyre që kishin dashur të hynin: "Sikur të kishit hyrë në të, do të kishit mbetur aty deri në Ditën e Kiametit." Ndërsa të tjerëve u tha fjalë të mira dhe tha: "Nuk ka dëgjesë (bindje) në mosbindje ndaj Allahut. Përkundrazi, dëgjesa është vetëm në atë që është e mirë."