Transmeton Adi bin Hatimi: Thashë: "O i Dërguari i Allahut, unë i lëshoj qentë e stërvitur dhe ata e kapin prenë për mua – a mund të haj prej saj?" Ai (s.a.v.s.) tha: "Nëse i lëshon qentë e stërvitur dhe përmend emrin e Allahut, dhe ata e kapin prenë për ty, atëherë ha." Thashë: "Edhe nëse e vrasin?" Ai (s.a.v.s.) tha: "Edhe nëse e vrasin, përderisa nuk u është bashkuar atyre ndonjë qen tjetër i huaj." Thashë: "Unë e gjuaj prenë me mirad (shigjetë pa pendë) dhe e godas – a mund të haj?" Ai (s.a.v.s.) tha: "Nëse gjuan me mirad dhe ajo e shpon prenë, atëherë ha, por nëse e godet me anën e saj të gjerë, atëherë mos ha."