Transmeton Halid ibn Velidi: Ai hyri bashkë me të Dërguarin e Allahut (s.a.v.s.) te Mejmunah bint el-Harithi, e cila ishte tezja e tij, dhe të Dërguarit të Allahut (s.a.v.s.) iu ofrua mish thitëloku (dabb). I Dërguari i Allahut (s.a.v.s.) nuk hante asgjë derisa ta dinte se çfarë ishte. Njëra nga gratë tha: "Përse nuk e njoftoni të Dërguarin e Allahut (s.a.v.s.) se çfarë po ha?" Kështu, e njoftuan se ishte mish thitëloku dhe ai e la atë. Halidi tha: "E pyeta të Dërguarin e Allahut (s.a.v.s.): 'A është haram?' Ai u përgjigj: 'Jo, por ky është një ushqim që nuk gjendet në tokën e popullit tim, andaj ndiej pështjellim ndaj tij.'" Halidi tha: "Atëherë e tërhoqa drejt vetes dhe e hëngra, ndërsa i Dërguari i Allahut (s.a.v.s.) po më shikonte."