Transmeton Burejda se i Dërguari i Allahut (s.a.v.s.) ka thënë: "Unë ju kisha ndaluar ngrënien e mishit të kurbaneve pas tri ditësh, përgatitjen e nabidhit përveçse në enë prej lëkure dhe vizitën e varrezave. Tani, hani nga mishi i kurbaneve sa të doni, merrni me vete dhe ruajeni atë. Kushdo që dëshiron t'i vizitojë varrezat, le t'i vizitojë, sepse ato ua përkujtojnë Ahiretin. Pini, por ruhuni nga çdo gjë dehëse."