Transmeton Mugire b. Shube: Dy rivale (bashkëshorte të një burri) ishin bashkë, kur njëra prej tyre e goditi tjetrën me një shtyllë çadre dhe e vrau. I Dërguari i Allahut (s.a.v.s.) vendosi që dija të paguhej nga asabah (të afërmit nga ana e babait) e vrasëses, ndërsa për foshnjën në barkun e saj gjykoi të jepet një skllav si dëmshpërblim. Një beduin tha: "A duhet të paguajmë dëmshpërblim për atë që as nuk ka ngrënë, as nuk ka pirë, as nuk ka bërtitur e as nuk ka qarë? Një rast i tillë duhet të shpërfillet." Ai (s.a.v.s.) tha: "Kjo është rimë si rima e xhahilijetit," dhe gjykoi që për foshnjën në barkun e saj të jepet një skllav.