Transmeton Xhabiri: Pejgamberi (s.a.v.s.) veshi një xhybe prej mëndafshi që i ishte dhuruar, por shpejt e hoqi atë dhe ia dërgoi Omerit. Iu tha: "Sa shpejt e hoqe, o i Dërguari i Allahut!" Ai tha: "Xhibrili (a.s.) ma ndaloi atë." Atëherë erdhi Omeri duke qajtur e tha: "O i Dërguari i Allahut, ti e urreve një gjë dhe ma dhe mua atë." Ai tha: "Unë nuk ta dhashë që ta veshësh, por ta dhashë që ta shesësh." Kështu, Omeri e shiti atë për dy mijë dërhemë.