Transmeton Ibn Abbasi: Nuk ka nikah pa dëshmitarë. Kështu kanë vepruar njerëzit e dijes nga shokët e Pejgamberit (s.a.v.s.) dhe pasuesit e tyre (tabiinët), të cilët kanë thënë se nuk ka martesë pa dëshmitarë. Për këtë nuk ka pasur mospajtime mes tyre, përveç disa dijetarëve të mëvonshëm. Dijetarët kanë pasur mospajtime nëse dëshmitarët dëshmojnë njëri pas tjetrit; shumica e dijetarëve të Kufës dhe të tjerë thonë se nikahu nuk lejohet derisa dy dëshmitarë të dëshmojnë së bashku gjatë lidhjes së kontratës së martesës. Ndërsa disa dijetarë të Medinës, si Malik bin Enesi, mendojnë se dëshmia e tyre njëri pas tjetrit është e lejueshme nëse martesa shpallet publikisht. Gjithashtu, disa dijetarë si Ahmedi dhe Is'haku mendojnë se në nikah lejohet dëshmia e një burri dhe dy grave.