Transmeton Ebu Xhuhejfe: I thashë Aliut: "O Prijës i Besimtarëve! A keni diçka të shkruar që nuk gjendet në Librin e Allahut?" Ai u përgjigj: "Pasha Atë që e ka çarë farën dhe e ka krijuar shpirtin! Nuk di të kemi diçka tjetër përveç të kuptuarit të Kuranit që Allahu i jep një njeriu dhe asaj që gjendet në këtë fletë." I thashë: "E çfarë ka në këtë fletë?" Ai tha: "Në të është rregulli i kompensimit të gjakut (el-akl), lirimi i robërve dhe gjykimi se besimtari nuk vritet për një pabesimtar."