Transmeton El-Bera bin Azibi: I Dërguari i Allahut (s.a.v.s.) na mbajti një fjalim në ditën e Kurbanit dhe tha: "Askush prej jush të mos therrë kurban derisa të falë namazin." Atëherë u ngrit daja im dhe tha: "O i Dërguari i Allahut, kjo është një ditë në të cilën mishi dëshirohet shumë, prandaj unë u nxitova me kurbanin tim që të ushqej familjen time dhe njerëzit e shtëpisë sime – ose – fqinjët e mi." Ai (s.a.v.s.) i tha: "Përsërite therrjen me një tjetër." Ai tha: "O i Dërguari i Allahut (s.a.v.s.), unë kam një kec që ka mish më të mirë se dy dhen, a mund ta therr atë?" Ai (s.a.v.s.) tha: "Po, ai është kurbani yt më i mirë, por një i tillë nuk do të pranohet për askënd tjetër pas teje."