Na ka treguar Ebu Ammar el-Husejn bin Hurejth, na ka treguar el-Velid bin Muslim, nga Jezid bin Ebi Merjem, i cili ka thënë: Më arriti Abaje bin Rifa'a bin Rafi' ndërsa isha duke ecur për në xhuma dhe më tha: 'Përgëzohu, sepse këta hapa të tu janë në rrugë të Allahut. Kam dëgjuar Ebu Absin duke thënë: I Dërguari i Allahut (s.a.v.s.) ka thënë:
"Atij që i pluhurosen këmbët në rrugë të Allahut, ato do të jenë të ndaluara për Zjarrin."
Ebu Isa ka thënë: Ky hadith është hasen garib sahih. Emri i Ebu Absit është Abdurrahman bin Xhebr. Në këtë kapitull ka transmetime edhe nga Ebu Bekri dhe një burrë prej shokëve të Pejgamberit (s.a.v.s.).
Ebu Isa ka thënë: Jezid bin Ebi Merjem është një burrë nga Shami, prej të cilit kanë transmetuar el-Velid bin Muslim, Jahja bin Hamza dhe më shumë se një nga banorët e Shamit. Ndërsa Burejd bin Ebi Merjem është kufas, babai i tij ishte prej shokëve të Pejgamberit (s.a.v.s.) dhe emri i tij është Malik bin Rebi'a. Burejd bin Ebi Merjem ka dëgjuar nga Enes bin Maliku, ndërsa nga Burejd bin Ebi Merjem kanë transmetuar hadithe Ebu Is'hak el-Hemdani, Ata bin es-Saib, Junus bin Ebi Is'hak dhe Shu'be.