Na ka treguar Hennadi, na ka treguar Ebu Muaviu, nga El-A'meshi, nga Amër bin Murre, nga Salim bin Ebil-Xha'di, se Shurahbil bin Es-Simti ka thënë: O Ka'b bin Murre, na trego diçka nga i Dërguari i Allahut (s.a.v.s.) dhe bëj kujdes. Ai tha: E kam dëgjuar të Dërguarin e Allahut (s.a.v.s.) duke thënë:
"Kujt i zbardhet një fije floku (apo mjekre) në Islam, ajo do të jetë dritë për të në Ditën e Kiametit."
Ebu Isai ka thënë: Në këtë kapitull ka transmetime edhe nga Fedale bin Ubejdi dhe Abdullah bin Amri. Hadithi i Ka'b bin Murres është hadith hasen. Kështu e ka transmetuar El-A'meshi nga Amër bin Murre, ndërsa ky hadith është transmetuar edhe nga Mensuri, nga Salim bin Ebil-Xha'di, i cili ka futur një burrë tjetër në isnad mes tij dhe Ka'b bin Murres. Thuhet Ka'b bin Murre, e thuhet edhe Murre bin Ka'b El-Behziu. I njohuri nga sahabët e Pejgamberit (s.a.v.s.) është Murre bin Ka'b El-Behziu, i cili ka transmetuar disa hadithe nga Pejgamberi (s.a.v.s.).