Transmeton Abdullah bin Abdurrahman bin Abi Husejni se i Dërguari i Allahut (s.a.v.s.) ka thënë: "Me të vërtetë, Allahu do të fusë tre persona në Xhenet për shkak të një shigjete të vetme: prodhuesin e saj që synon mirësi gjatë punimit të saj, atë që gjuan me të dhe atë që e ndihmon shigjetarin (duke ia dhënë atë). Ushtroni gjuajtjen me hark dhe kalërimin, e gjuajtja me hark është më e dashur për mua sesa kalërimi. Çdo argëtim me të cilin merret burri musliman është i kotë, përveç gjuajtjes me hark, stërvitjes së kalit të tij dhe lojës me bashkëshorten e tij, sepse këto janë pjesë e të vërtetës."