Transmeton Ebu Hurejre: Një burrë prej shokëve të të Dërguarit të Allahut (s.a.v.s.) kaloi pranë një gryke mali ku kishte një burim të vogël me ujë të ëmbël dhe mbeti i mahnitur nga mirësia e tij. Ai tha: "Sikur të veçohesha nga njerëzit e të vendosesha në këtë grykë! Por nuk do ta bëj këtë pa kërkuar leje nga i Dërguari i Allahut (s.a.v.s.)." Ai ia përmendi këtë të Dërguarit të Allahut (s.a.v.s.), i cili i tha: "Mos e bëj këtë, sepse qëndrimi i ndonjërit prej jush në rrugën e Allahut është më i vlefshëm sesa namazi i tij në shtëpinë e vet për shtatëdhjetë vjet. A nuk dëshironi që Allahu t'ju falë dhe t'ju fusë në Xhenet? Luftoni në rrugën e Allahut. Kushdo që lufton në rrugën e Allahut qoftë edhe sa koha mes dy mjeljeve të devesë, Xheneti i është bërë i detyrueshëm."