Transmeton Ebu Umame se Pejgamberi (s.a.v.s.) ka thënë: "Nuk ka asgjë më të dashur te Allahu sesa dy pika dhe dy gjurmë: pika e lotit e derdhur nga frika ndaj Allahut dhe pika e gjakut e derdhur në rrugën e Allahut. Ndërsa sa u përket dy gjurmëve, ato janë: një gjurmë e lënë në rrugën e Allahut dhe një gjurmë e mbetur nga kryerja e një obligimi prej obligimeve të Allahut." Ky hadith është hasen garib.