Na ka treguar Mahmud bin Gajlan, na ka treguar Ebu Ahmed, na ka treguar Sufjani, nga Ibn Ebi Lejla, nga el-Hakemi, nga Miksemi, nga Ibn Abbasi, se idhujtarët dëshironin të blinin trupin e një njeriu prej idhujtarëve, por Pejgamberi (s.a.v.s.) refuzoi t'ua shiste atë.
Ebu Isa ka thënë: Ky hadith është garib, nuk e njohim përveçse nga hadithi i el-Hakemit. Atë e ka transmetuar edhe el-Haxhaxh bin Erta nga el-Hakemi.
Ahmed bin el-Hasani ka thënë: E kam dëgjuar Ahmed bin Hanbelin duke thënë: Ibn Ebi Lejla nuk merret si argument me hadithin e tij.
Muhamed bin Ismaili ka thënë: Ibn Ebi Lejla është i sinqertë (saduk), por nuk njihet hadithi i tij i saktë nga ai i dobëti, andaj nuk transmetoj asgjë prej tij.
Ibn Ebi Lejla është i sinqertë dhe jurist (fekih), por ai gabon në isnad.
Na ka treguar Nasr bin Aliu, i cili ka thënë: Na ka treguar Abdullah bin Davudi, nga Sufjan eth-Thevriu, i cili ka thënë: Juristët tanë janë Ibn Ebi Lejla dhe Abdullah bin Shubruma.