Na ka treguar Kutejbe dhe Nasr bin Aliu, të cilët kanë thënë: Na ka treguar Sufjani, nga Amër bin Dinari, nga Xhabiri, i cili ka thënë: I Dërguari i Allahut (s.a.v.s.) na dha të hamë mish kali dhe na e ndaloi mishin e gomarëve.

(Ebu Isai) ka thënë: Në këtë kapitull ka transmetime edhe nga Esma bint Ebi Bekër.

Ebu Isai ka thënë: Ky hadith është hasen sahih. Kështu e kanë transmetuar më shumë se një person nga Amër bin Dinari, nga Xhabiri. Ndërsa Hammad bin Zejdi e ka transmetuar nga Amër bin Dinari, nga Muhamed bin Aliu, nga Xhabiri, por transmetimi i Ibn Ujejnes është më i saktë.

(Ebu Isai) ka thënë: E kam dëgjuar Muhamedin duke thënë: Sufjan bin Ujejne është më i saktë në memorizim sesa Hammad bin Zejdi.