Transmeton Ebu Tha'lebe el-Husheniu: Ai tha: "O i Dërguari i Allahut! Ne jemi në një tokë të Ithtarëve të Librit, andaj gatuajmë në enët e tyre dhe pimë nga enët e tyre." I Dërguari i Allahut (s.a.v.s.) tha: "Nëse nuk gjeni të tjera përveç tyre, atëherë shpëlajini ato me ujë." Pastaj ai pyeti: "O i Dërguari i Allahut! Ne jemi në një vend gjuetie, prandaj si të veprojmë?" Ai tha: "Kur ta dërgosh qenin tënd të stërvitur dhe të përmendësh emrin e Allahut, e ai e vret (gjahun), atëherë haje. E nëse qeni nuk është i stërvitur, por e arrin ta therrësh (gjahun), atëherë haje. Dhe kur të gjuash me shigjetën tënde e të përmendësh emrin e Allahut, e ajo e vret atë, atëherë haje."