Transmeton Ebu Seid el-Hudriu: Dërguari i Allahut (s.a.v.s.) na dërgoi në një ekspeditë ushtarake. Ne u ndalëm te një popull dhe kërkuam prej tyre që të na gostisnin, por ata nuk na pritën. Udhëheqësi i tyre u pickua, prandaj ata erdhën tek ne dhe thanë: "A ka ndonjë prej jush që bën rrukje kundër pickimit të akrepit?" Unë thashë: "Po, unë. Por nuk do të bëj rrukje derisa të na jepni disa dele." Ata thanë: "Atëherë do t'ju japim tridhjetë dele." Ne pranuam dhe unë i lexova "El-hamdu lil-lahi" (suren el-Fatiha) shtatë herë; ai u shërua dhe ne i morëm delet. Ne patëm disa dyshime në veten tonë për këtë, prandaj thamë: "Mos nxitoni derisa të shkojmë te Dërguari i Allahut (s.a.v.s.)." Kur arritëm tek ai, i tregova atë që kisha bërë. Ai (s.a.v.s.) tha: "E nga e dite ti se ajo është rrukje? Merreni kopenë dhe më ndani edhe mua një pjesë bashkë me ju."