Transmeton Ebu Hurejra: Pejgamberi (s.a.v.s.) ka thënë: "Kur të afrohet koha, ëndrrat e besimtarit pothuajse nuk do të jenë të rreme. Ata që janë më të vërtetë në fjalët e tyre, do t'i kenë ëndrrat më të vërteta. Ëndrra e muslimanit është një nga dyzet e gjashtë pjesët e profecisë. Ëndrrat janë tri llojesh: ëndrra e mirë që është sihariq nga Allahu, ëndrra që vjen si pikëllim nga Shejtani dhe ëndrra që buron nga ajo që njeriu flet me veten e tij. Nëse ndonjëri prej jush sheh diçka që nuk i pëlqen, le të ngrihet dhe të pështyjë (lehtë), dhe të mos ua tregojë njerëzve." Ai tha: "Më pëlqejnë prangat në ëndërr, ndërsa e urrej qaforen e hekurt. Prangat simbolizojnë qëndrueshmërinë në fe."