Transmeton Se'd bin Maliku: Unë kam qenë njeriu i parë prej arabëve që ka hedhur shigjetë në rrugën e Allahut. Na ndodhte të luftonim së bashku me të Dërguarin e Allahut (s.a.v.s.) kur nuk kishim ushqim tjetër përveç gjetheve të pemës hubla dhe samurit, aq sa ndonjëri prej nesh kryente nevojën (jashtëqitjen) ashtu siç e bën delja. Ndërsa tani, fisi Beni Esed po më jep mësime (më qorton) për fenë! Nëse do të ishte kështu, atëherë unë vërtet do të kisha dështuar dhe veprat e mia do të kishin shkuar dëm.