Transmeton Aisheja (r.a.): Muaviu i shkroi një letër Aishes (r.a.) ku i kërkonte: "Më shkruaj një letër me të cilën më këshillon, por mos e zgjat shumë." Aisheja (r.a.) i shkroi Muaviut: "Paqja qoftë mbi ty. Më tej: Vërtet e kam dëgjuar të Dërguarin e Allahut (s.a.v.s.) duke thënë: Kush kërkon kënaqësinë e Allahut duke shkaktuar pakënaqësinë e njerëzve, Allahu do ta mbrojë atë nga njerëzit. Ndërsa kush kërkon kënaqësinë e njerëzve duke shkaktuar zemërimin e Allahut, Allahu do ta lërë atë në dorë të njerëzve. Dhe paqja qoftë mbi ty."