Transmeton Ebu Seid el-Hudriu: I Dërguari i Allahut (s.a.v.s.) ka thënë: "Vërtet, Allahu do t'u thotë banorëve të Xhenetit: 'O banorë të Xhenetit!' Ata do të thonë: 'Të përgjigjemi Ty, o Zoti ynë, dhe jemi në shërbimin Tënd.' Atëherë Ai do të thotë: 'A jeni të kënaqur?' Ata do të thonë: 'E si të mos jemi të kënaqur kur Ti na ke dhënë atë që nuk ia ke dhënë askujt prej krijesave Tuaja?' Atëherë Ai do të thotë: 'Unë do t'ju jap diçka edhe më të vlefshme se kjo.' Ata do të thonë: 'E çfarë mund të jetë më e vlefshme se kjo?' Ai do të thotë: 'Unë do t'ju dhuroj kënaqësinë Time dhe nuk do të zemërohem kurrë më me ju.'"