Transmeton Ebu Seid el-Hudriu se i Dërguari i Allahut (s.a.v.s.) ka thënë: "Nëse besimtari dëshiron fëmijë në Xhenet, shtatzënia, lindja dhe arritja e moshës së tij do të ndodhin brenda një ore, ashtu siç ai dëshiron."

Dijetarët kanë pasur mospajtime rreth kësaj çështjeje; disa prej tyre kanë thënë se në Xhenet ka marrëdhënie intime, por nuk do të ketë fëmijë. Kështu është transmetuar nga Tavusi, Muxhahidi dhe Ibrahim en-Nehaiu. Muhamedi ka thënë: "Lidhur me hadithin e Pejgamberit (s.a.v.s.): 'Kur besimtari dëshiron fëmijë në Xhenet, kjo do të ndodhë brenda një ore ashtu siç dëshiron ai', Is’hak bin Ibrahimi ka thënë: 'Por ai nuk do të dëshirojë'." Muhamedi ka thënë: "Gjithashtu transmetohet nga Ebu Rezin el-Ukajliu se Pejgamberi (s.a.v.s.) ka thënë: 'Vërtet, banorët e Xhenetit nuk do të kenë fëmijë në të'."