Transmeton Ebu Nadra: Një burrë prej nesh i quajtur Xhabir ose Xhubejr ka thënë: Shkova te Omeri gjatë kalifatit të tij për të kërkuar diçka që më nevojitej. Arrita në Medinë gjatë natës dhe shkova tek ai në mëngjes. Isha njeri i pajisur me mprehtësi dhe gojtari. Fillova të flisja për dynjanë duke e nënçmuar atë dhe e paraqita sikur të mos vlente asgjë. Pranë tij ishte një burrë me flokë të bardhë dhe rroba të bardha. Kur mbarova fjalën, ai tha: "Çdo gjë që the ishte e saktë, përveç asaj që the për dynjanë. A e di se çfarë është dynjaja? Në dynja gjendet furnizimi ynë (ose tha: mjeti ynë) për në Ahiret, dhe në të kryhen veprat tona për të cilat do të shpërblehemi në Ahiret." Ai (treguesi) tha: "Për dynjanë foli një burrë që e njihte atë më mirë se unë." Atëherë pyeta: "O Prijës i Besimtarëve, kush është ky burrë pranë teje?" Ai u përgjigj: "Zotëria i muslimanëve, Ubej ibn Ka’bi."