Transmeton Ebu Hurejra:

I Dërguari i Allahut (s.a.v.s.) ka thënë: "Më erdhi Xhibrili dhe më tha: 'Vërtet, unë erdha tek ti mbrëmë dhe asgjë nuk më pengoi të hyja në shtëpinë ku ishe ti, përveç faktit se te dera e shtëpisë kishte figura njerëzish, në shtëpi kishte një perde me figura dhe në shtëpi kishte një qen. Prandaj, urdhëro që t'i pritet koka figurës që është te dera, në mënyrë që ajo të mbetet si cung peme; urdhëro që perdja të pritet dhe prej saj të bëhen dy jastëkë që shërbejnë për t'u ulur mbi ta; dhe urdhëro që qeni të nxirret jashtë.'" I Dërguari i Allahut (s.a.v.s.) veproi ashtu. Ai qen ishte një kone e Hasanit ose e Hysejnit, që ndodhej nën plaçkat e tij, prandaj ai urdhëroi që të nxirrej.