Transmeton El-Bera bin Azib: Kur i Dërguari i Allahut (s.a.v.s.) erdhi në Medine, ai fali namazin në drejtim të Bejtul-Makdisit për gjashtëmbëdhjetë ose shtatëmbëdhjetë muaj. I Dërguari i Allahut (s.a.v.s.) dëshironte të drejtohej kah Qabeja, prandaj Allahu i Madhëruar shpalli: "Ne vërtet e shohim kthimin e fytyrës tënde kah qielli. Ne do të të kthejmë ty kah një kible që të pëlqen ty; prandaj ktheje fytyrën tënde kah Mesxhidi Harami" (2:144). Kështu, ai u drejtua kah Qabeja, gjë të cilën e dëshironte. Një burrë fali namazin e iqindisë bashkë me të, pastaj kaloi pranë disa njerëzve nga Ensarët të cilët ishin në ruku duke falur namazin e iqindisë në drejtim të Bejtul-Makdisit. Ai dëshmoi se ishte falur me të Dërguarin e Allahut (s.a.v.s.) dhe se ai tashmë ishte drejtuar kah Qabeja. Atëherë ata u kthyen drejt Qabesë ndërkohë që ishin në ruku.